كيفية التعامل مع الضغوط اليومية للزوجة

17522860 432692177079819 2277895174388050729 n كيفية التعامل مع الضغوط اليومية للزوجة

كيفية التعامل مع الضغوط اليومية للزوجة
**********************************************
لو انتى دايما بتقولى ..ازاى نتحمل الضغوط اليوميه من غير ما تأثر على اولادنا .. بقيت عصبيه جداااا و على طول بزعق فيهم واتخانق مع زوجى على اتفه الأسباب يبقى الكلام ده ليكى

1/طول ما انتى بتقولى وترددى انك مضغوطة طول ما انتى فعلا هتعيشى فى القالب ده .. الضغوط واحدة تقريبا فى كل البيوت لكن بتختلف حجم استيعابنا ليها على قدر شخصيتنا من حكمة وحسن تصرف .. يعنى ممكن تكونى بتتعرضى لضغوط بسيطة جدا ووصفك انتى للى انتى فيه انه ضغط ده بيزيد من حجم المشكلة ..

2/ لو اكتر شئ تعبك هو شغل البيت هقولك ان كان فى زوجة بتشتكى للرسول عليه الصلاة والسلام وبتستشيره لو ينفع تجيب خادمة لكن الرسول قالها
ألا أدلكما على ما هو خير لكما من خادم؟ إذا أوتيما إلى فراشكما، أو أخذتما مضاجعكما، فكبِّرَا أربعًا وثلاثين، وسبِّحَا ثلاثًا وثلاثين، واحمدا ثلاثًا وثلاثين، فهذا خير لكما من خادم” [البخاري].

3/لو بتعانى من التعامل مع زوجك او اطفالك ده مش عشان هما التعامل معاهم من الاستحالات كل الحكاية انك محتاجة توسعى من ثقافتك وتابعى مختصين بيتكلموا عن تربية الاطفال او التعامل مع الازواج وده بقى منتشر جدا وبقى سهل اوى طول ما انتى عندك نت وعندك وقت تدخلى عليه

4/لازم تروحى عن نفسك خرجى كل مشاعرك السلبية دى عن طريق ممكن
– العبى رياضة او اتحركى والرياضة والحركة بتخرج كمية شحنات سلبية كبيرة..
-فضفضى: احسن فضفة وانتى ساجدة لربنا وابعدى عن الناس اللى ممكن الفضفضة معاهم تسببلك مشاكل بعدين
– حلى الموضوع فى خيالك مثلا حد زعلك اتخيلى انك خدتى حقك وعرفتى تتصرفى صح معاه وهنا لما هتنفسى عن غضبك فى خيالك تقدرى بعد كده تاخدى مع الشخص ده موقف كويس بعيد عن اى انفعال
-جيبى مخدة وتخيلى كل ضغوطك دى هى المخدة واقعدى اضربيها لازم تنفذى عن كل الطاقات دى
-امسكى ورقة واكتبى كل اللى تعبك فى ورقة فرغى كل تعبك على الورقة وبعدين اقطعى الورقة بقوة

5/ اعرفى ان كل الناس عندها مشاكل وضغوط واكتر ناس بتطلع من الضغوط بشكل اسرع هى الناس اللى بترضى زى ما بنقول من رضى له الرضا .. وصدقينى مش هتعرفى تتصرفى صح طول ما انتى مضايقة من كل حاجة حوليكى واقعدى فكرى ايه حكمة ربنا من اى ضغط انتى بتتعرضى لى ..

6/نظفى البيت بالماء والملح الملح لى قدرة كبيرة جدا لتخريج الطاقة السلبية من البيت وخوصوا لو شغلتى سورة البقرة السورة دى بتبعد الشياطين والتوتر من بيتك ..

7/ اكتر ناس حاسة بالضغوط هى اكتر ناس فعليا مش بتعرف تنظم وقتها ومن اكتر الحاجاات انك بتصحى متاخر .الرسول عليه الصلاة والسلام قال بُورِكَ لأُمَّتي في بُكُورِهَا “رواه الطّبراني من حديث أبي هريرة رضي الله عنه وكمان بورقة وقلم الحاجات اللى وراكى وقسميهم وخططى لشى قبل حدوثة..

8/فى حاجات لازم تضحى بيها يعنى لو بتشتغلى مش لازم تاخدى وقت اضافى فى شغلك اى فرصة تلقيها تعرفى توفرى بيها وقت يبقى طبعا الوقت ده اولى بيه بيتك وولادك .. وبرضة خصصى وقت ولو عشر دقائق لنفسك اشربى فيه حاجة بتحبيها الوقت ده يبقى استرخاء ليكى انتى وبس من حقك ترتاحى ..
——————————————————————-
منقول

الرابط المختصر : /?p=110523

تفاصيل المقالة