الكبسة الشهية بقطع السمك

الكبسة-الشهية-بقطع-السمك-800x510

الكبسة الشهية بقطع السمك

طبعا كلنا بنحب نعمل أطباق مختلفة كنوع من التغيير , تعالى نقدم مع بعض النهاردة الكبسة اللذيذة لكن بطريقة مختلفة لأنها مش هتحتوى على اللحم هنعملها المرة دى بالسمك , طعمها خطيييير ومختلف جدااا.

المقادير:

1/ 2 كيلو سمك فيليه

3 أكواب رز بسمتي

2 حبة طماطم

حبة فلفل أخضر

مكعب مرقة دجاج

4 ملاعق كبيرة زيت

ملعقة صغيرة بهارات

1/ 4 كوب شبت مفروم

4 1/ 2 أ كواب ميه مغلية

1/ 2 كوب بصل أخضر مفروم

2 ملعقة صغيرة كزبرة ناشفة

ملح وفلفل

 

 

grey الكبسة الشهية بقطع السمك
الكبسة الشهية بقطع السمك

طريقة التحضير:

– اغسلي الرز كويس، وبعدين انقعيه في ميه دافية مملّحة لمدة 30 دقيقة.

– افرمي البصل، وقطّعي السمك قطع صغيرة، وشوّحيهم في الزيت في حلّة متوسّطة لمدة 3 : 4 دقائق.

– قشّري الطماطم وافرميها، وقطّعي الفلفل الأخضر، وحطّيهم مع البصل والسمك، وضيفي عليهم مرقة الدجاج، ونصف كمية الشبت والبهارات، وقلّبيهم على النار لمدة 5 دقائق.

– بعد كده حُطّي الميه المغلية، وسيبيها تغلي لمدة 5 دقائق، وبعدين صفّي الرز وضيفيه على الخليط، وسيبيه يغلي لمدة 5 دقائق كمان.

– غطّي الحلة، وهدّي النار، وسيبي الرز يستوي على نار هادية لمدة 15 : 20 دقيقة، وقبل التقديم ضيفي باقي كمية الشبت على الرز، وقدّميه

وبالصحة والهنا,,,

 

إقتراح التقديم:

قدمى طبق الكبسة مع سلطة التونة بالمايونيز

تفاصيل المقالة