طريقه عمل الذمول

23131846_1453516534764619_5457623011659998060_n

طريقه عمل الذمول

 

grey طريقه عمل الذمول

المقادير:
-كوب ماء دافي.
-كوب حليب بودرة. لو النوع ثقيل ممكن تقللي الكمية
-كوب سمن البنت. لو سمن القمرية عادة يزيد عن الكوب
-ثلاث بيض. ممكن تقللي لو تحبي بس عشان تضمني نكهه رهيبة أفضل تظلي على 3 وممكن 4 لو شفتي البيض صغار
-ملعقتين سكر.
-سته اكواب دقيق. تقريبا كيلو دقيق
-ملح.
-ملعقة خميرة.
-حبة سوداء او سمسم (انا ماعملت لان ماحد في البيت يحبهن)
ملاحظات:
١- حاولي مايبرد الماء ولايحمى قوي خليه دافي. وكذلك السمن عشان مايقعف وجه الذمولة.
٢- لو مستخدمة سمن القمرية حتكون اكبر بشوويه السمن من الكوب.
٣- الكوب المستخدم هو مقاس كوب عصير. عشان تختاري الكوب المثالي خذي كيلو دقيق انخليه وشوفي اي كوب معك حيخلي الكمية تنقسم الى ستة اكواب ولو بقي دقيق قليل عادي خرجيه من الحسبه واستخدمي الكوب لبقية المقادير.
٤- لا تدهني الوجه بالبيض الا بعد مايخمر العجين عشان ماعاد تحتاري بعدين هي خمرت او لا. وتعرفي ان العجين خامر لو ظهرت فقاعات او لو بدات نقاط بيض تظهر في وجه الذموله.وعندها ممكن تدخليها الفرن او تتنظري شوي عادي.
الطريقة:
تاخذي كمية الدقيق مع الملح مع الحليب البودرة مع الخميرة. وتحريكهن او ممكن تنخليهن مرة ثانية عشان تتداخل حبيباتهن مع بعض.
وفي وعاء العجن تكسري البيض وتضيفي لهن ملعقتين سكر وكوب دافي ماء وتخضبي بالخباشه حق البيض العاديه (مش الكهربائية مايحتاج). ولما يتجانسين وقبل مايبرد الخليط ابداي ضيفي الدقيق اللي حركتي داخله المكونات الجافة وظلي اعجني بالخباشه لما تشوفي إن مافي “براقط” وبعدين ضيفي كمية من الدقيق وهكذا الى أن يتجمعين في الحدايد حق الخباشه اعرفي أن وقت العجن باليد بدا. اعجني كويس ولما ماعاد يبقى ماء في المعجنه ابداي ضيفي السمن الدافي الى ان تبدا العجينه تبتعد من يدش و تتماسك وتصبح كتلة واحدة. و اخر شي “اكفتي” العجين وخليه شويه، خمس عشر دقايق وانتي مغطيه له عشان يجلس دافي ويخمر صح, وجي اكفتيه مرة ثانية واتركيه شويه وابداي افتحي العجين بشكل دائري وممكن لو تعرفي تضفريهن تظفري ولو كمية (أناظفرت صحن وصحن خليته عادي) وادهني الصحن قبل ماتحطيهن بزيت ورشي دقيق عشان ماتلصق الذمول في الصحن. وخليه على جنب الى ان يخمرين ادهني الوجه ببيضه ورشي السمسم او الحبه السوداء وارجعي ادهنيهن برضو ودخلي الفرن.

 

منقول من المطبخ اليمني

تفاصيل المقالة