مجموعه اكلات دايت شهيه ولذيذه

13506656672818  مجموعه اكلات دايت شهيه ولذيذه

هقدم لكم النهارده مجموعه من الاكلات الرخيصة والشهيه وتنفع للريجيم جدا بدون حرمان واتمنى تعجبكم عشان انا مرتاحه عليهم جدا ومتنسوش التقييم عشان نفسي كل البنات تخس بدون رجيم ولا زهق ^_^
13506656672818  مجموعه اكلات دايت شهيه ولذيذه
الاكلات للفطور والعشاء:

1- البيض بالفلفل:
في طاسة تيفال وتقطعي الفلفل قطع صغيره او لو طاسة عادية حطي ملعقة صغيره جدا زيت زيتون وقلبي الفلفل لحد ما يدبل خالص وحطي معاه ملح وفلفل وخضرة متقطعه وعليها البيض هتطلع قرص جميل جدا وممكن تحطي على الوش زيتون حلقات او طماطم حلقات وبالهنا والشفا

13506656672818  مجموعه اكلات دايت شهيه ولذيذه

2- سلطة الجبنة المتبله
بتجيبي بصلة وتبشريها او تفرميها وعليه فص ثوم وملح وفلفل وكمون حسب الرغبة وتعصري عليها ليمون ونقطتين خل وقلبي التتبيله كويس واهرسي الجبنه فيها او قطعيها مكعبات وتجيبي اوراق جرجير تغمسيها في التتبيله وتزيني بيها الوش ولو عندك بقدونش ورشة نعناع مطحون بيدي طعم تحفه جدا السلطه دي مع كوبايه شاي مش هتحتاجي تاكلي حاجه لاخر اليوم smiley smile  مجموعه اكلات دايت شهيه ولذيذه

13506658993963  مجموعه اكلات دايت شهيه ولذيذه

3- سلطة البيض المسلوق
تسلقي البيض وتقطعيها مكعبات البياض لوحده والصفار لوحده وتجيبي علبة زبادي وتضربيها بالمعلقه وتحطي عليها ملح وفلفل وثوم مطحون او مفروم وملعقة صغيره اوي طحينه او بدون وترشي الصلصه دي على وش البيض وتزيني باوراق البقدونش والنعناع وقطع الطماطم

13506662002712  مجموعه اكلات دايت شهيه ولذيذه

4- سندويتشات الخس المتبله
الوصفه دي كنت مستغرباها بس لقيتها فطار هااااااايل وطعمها تحفه جدا عشان لو مستعجله تاكلي اي حاجه الصبح وتنفع تاخديها معاكي في علبه
انا بجيب بصلة صغيره وكام فص ثوم وافرمهم مع بعض واعصر عليهم ليمونه وخل وملح وفلفل وافركهم اوي واجيب اوراق الخس اغسلها كويس واغمسها في التتبيله دي لحد ما اغير هدومي الصبح وبعد كده اطلعها واحط جواها جبنه اي نوع والفها زي المحشي كده واحط جواها ساعات بقدونس او نعناع بتطلع تحفففففة بجد وباخدها مخعايا في علبه كل ما اجوع

13506667481606  مجموعه اكلات دايت شهيه ولذيذه

اكلات تنفع للغداء:

1- البطاطس المتبله
بقطع البطاطس شرائح سميكه واحطها في ميه وملح عشان تتطرى شويه واجيب بصلة وكام فص ثوم واهرسهم وعليهم فص ليمونه وملح وفلفل وخل وبقدونس وشبت مفروم واغمس شرائح البطاطس فيهم نص ساعه وبعدين اشيلهم وهم فيهم التتبيله وارصهم في صينية وارش عليهم شوية ميه وادخلهم الفرن نص ساعه بتطلع روووووووووووعه بجد

13506669611481  مجموعه اكلات دايت شهيه ولذيذه

2- سلطة التونه
بجيب علبة تونه واصفيها من الزيت واغسلها بالميه والخل واجيب طاسة واحط فيها معلقة زيت زيتون صغيره او طاسة تيفال واجيب شرائح الفلفل الاخضر واحمره لحد ما يدبل ولونه يبهت واعصر عليه ليمونه وخل واحط شوية ثوم بودره او بلاش لو مش عايزه واحط علبة التونه واسيبها لحد ما ريحتها تطلع والتونه نفسها تدبل برضه شويه بحط معاها خضره شبت وبقدونس مفروم واسيبها شويه اقدمها في طبق فرشته باوراق الخس وممكن احط عليها علبة زبادي عليها ثوم وملح وفلفل بتبقى تحفه جدا

13506673278890  مجموعه اكلات دايت شهيه ولذيذه

3- صينية الخضار في الفرن
بجيب حله واحط فيها بصل مفروم وثوم وملح وفلفل وبهارات وخضره مفرومه وشوية ميه صغيرين واسيبهم يتبلوا بعض والبصل يدبل وبعدين احط معلقتين صلصه واسيبهم يغلوا شويه وبعدين اجيب صينية وارص فيها الخضار جزر وبسله وفاصوليا وبطاطس وكوسه وباذنجان وبصل وطماطم وارش عليهم الصلصه اللي عملتها دي واغطيها بورق فويل وادخلها الفرن نص ساعه او ثلث ساعه حسب حرارة فرنك بتطلع روووووووووعه بجد

13506676377208  مجموعه اكلات دايت شهيه ولذيذه

4- الاكلات في الفرن بدون زيت (اكلات سريعه)
الوصفه دي شامله الفراخ والسوسيس والفراخ الفيليه والسمك الفيليه وحتى الهمبورجر واي لحوم تحبيها تاخديها وتحطي ميه تغلي على النار فيها معلقتين صلصه وملح وفلفل وبهارات وتصبيها على الوش وتزينيها بالبقدونس والكرفس لو عندك وتحطيها في الفرن لمدة نص ساعه والفراخ لمدة ساعه عشان تستوي كويس بتطلع جميلة جدا وبدون زيت وخفيفه اوي

13506679062854  مجموعه اكلات دايت شهيه ولذيذه

5- بطاطس بالسوسيس في الفرن
اقطعي البطاطس نصفين وخليها تتسلق لمدة عشر دقايق بس وبعدين طلعيها واحفري في كل نصف حفرة بالسكينه صغيره واسلقي صباعين او ثلاث اصابع سوسيس وقطعيه حلقات وحطي في كل بطاطسايه قطعة سوسيس وبعدين تبلي البطاطس بالبصل والثوم والملح والفلفل ورصيهم في صينية وزينيها بالبقدونس وحطي شوية ميه في الصينيه ودخليها الفرن نص ساعه هتطلع تجننننن بجد

13506682076025  مجموعه اكلات دايت شهيه ولذيذه

6- صينية البطاطس المهروسه في الفرن
جيبي حبات البطاطس واسلقيها لحد ما تتهري واهرسيها بالشوكه وحطي عليه بيضتين وملح وفلفل وبقدونس وشبت وبهارات واهرسي الخليط كويس اوي وهاتي صينية ادهنيها بنفطتين زيت زيتون وحطي نص البطاطس فيها وافرديها وحطي طبقة تونه او سوسيس او فراخ مقطعه مسلوقه او بالصلصه وغطيها بالنص الثاني من البطاطس وعلى الوش افردي بيضه مكسورة مع حلقات فلفل ةزيتون وطماطم ودخليها الفرن نص ساعه هتطلع تحفه جدا

13506686843595  مجموعه اكلات دايت شهيه ولذيذه

الحلويات:

1- الزبادي بالفراولة:
هتجيبي علبة زبادي وهتجيبي خمس فراولات قطعيها حلقات واخلطيهم مع الزبادي في الخلاط لحد ما يمتزجوا مع معلقة عسل نحل وحطيهم في الثلاجه وزينيهم باللوز النيء لانه مش بيتخن وبالف هنا وشفا

13506703746863  مجموعه اكلات دايت شهيه ولذيذه

2- كوكتيل الفواكه
هاتي اي فواكه عندك في الثلاجه خوخ تفاح موز كمثرى وقطعيهم مكعبات صغيره وحطيهم في كاسه جميله وهاتي عصير برتقال تانج او معصور في الخلاط وشوية لبن رايب او ممكن تستغني عنه وحطي عليه نقطتين ليمون ومعلقة عسل وصبيه على خليط الفواكه وممكن تزينيه باللوز وحطيه في الثلاجه يقدم بارد ولذيييذ

13506707037110  مجموعه اكلات دايت شهيه ولذيذه

3- الزبادي بالشيكولاته
هاتي علبة زبادي وحطي عليها معلقتين كاكاو او شيكولاته خام مره ومعلقة عسل واضربيهم في الخلاط وممكن تحطيها في قوالب ثلج او في كاسه واحده وزينيها باللوز وجوز الهند وتقدم مثلجه

13506709703849  مجموعه اكلات دايت شهيه ولذيذه

وبالف هنا وشفا يا بنانيت يا حلويييييييين بحبكم في الله

 

الرابط المختصر : /?p=5462

تفاصيل المقالة